ლოს-ანჯელესისი ღამის ცხოვრების ტროპიკულ მიწისქვეშა სამყაროში ფესვგადგმული Wildness გვიხატავს Silver Platter-ის პორტრეტს - ისტორიული ბარის, რომელიც 1963 წლიდან ლათინოამერიკელი/ლგბტ იმიგრანტი თემების მნიშვნელოვანი საყდრისია. მაგიურ-რეალისტური ელფერით, ბარი თავად ხდება პერსონაჟი, რომელიც მოგვითხრობს, თუ რა ხდება, როდესაც ყოველკვირეული წვეულება სახელწოდებით Wildness შემოქმედებითობისა და კონფლიქტის აფეთქებას წარმოშობს. რას ნიშნავს “უსაფრთხო სივრცე”? ვის სჭირდება ის? და რით განსხვავდება მისი აღქმა ყოველივე ჩვენგანისთვის? Silver Platter-ში პასუხების ძიება თაობებს შორის კავშირებს ქმნის.

აპრილი ციხეს ტოვებს მას შემდეგ, რაც არალეგალური პროსტიტუციისთვის დააკავეს. თბილისის ერთ-ერთი ძვირადღირებული სასტუმროს სარდაფში, სადაც მუშაობს, ის ხვდება დიჯეს, ახალგაზრდა მამაკაცს, რომელმაც მშობლიური ნიგერია დატოვა. დარწმუნებული, რომ აშშ-ში, ჯორჯიაში მიემგზავრებოდა, აღმოჩნდა ქვეყანაში, რომელიც მას მომავალს არ სთავაზობს. აპრილი იმალება და ცდილობს შეეგუოს დაკარგულ სიყვარულს, რომელზეც ამ საზოგადოებაში, ურჩევნია, არ ილაპარაკოს. ლტოლვასა და გადარჩენას შორის, დედაქალაქის მცხუნვარე მზის ქვეშ, საზოგადოებისგან გარიყულად მცხოვრებ ორ ადამიანს შორის არაჩვეულებრივი ურთიერთობა ვითარდება.

პეპსი ტრანსგენდერი ჯარისკაცია ფილიპინებიდან, რომელიც ახალი იდენტობის ძიებაში ევროპაში მიემგზავრება. სექსუალური დევნის მიზეზით, პეპსი ისლამურ გამათავისუფლებელ (Moro-ს) ფრონტს ტოვებს.

ლისაბონური ღამე რენეს ინტენსიურობით არის მოცული, პრეკარიულ შრომაში ჩაბმული ახალგაზრდა ბრაზილიელი, რომელმაც ღუზა ამ ქალაქში ჩაუშვა, პერსონალურ და ეგზისტენციურ კონფლიქტებშია ჩაძირული. ქვიარ წვეულებები, სიყვარული, უარყოფა, მარტოობის განცდა პროტაგონისტს სხეულში აქვს გამჯდარი. სტეფანი რიჩი ახერხებს ცოცხალი, ენერგიით სავსე, მორბენალი ადამიანის მოხელთებას, რომელმაც არ იცის სად, როგორ და როდის.

ამ პოეტურ ვიზუალურ წერილში პატრიკ ტასი დედასთან ურთიერთობას იკვლევს და აკვირდება თუ როგორ იცვლება მათი დინამიკა მას შემდეგ რაც პროტაგონისტი დედას საკუთარ ნამდვილ იდენტობასა და სექსუალობას უზიარებს.